ഉടന്‍ വരുന്നു......

"അതേയ്......'ന്നെ പോലീസ് പിടിച്ചു....ട്ടോ....."

Wednesday, March 30, 2011

ജീവിത വണ്ടി...

വണ്ടീ ചിന്തിപ്പായണ വണ്ടി
ചെന്തീ തുപ്പി ചീറവണ്ടി
ചോര നിറത്തീ പുകയണ വണ്ടി
ജീവിത നാഡിയിടിപ്പിന്‍ വണ്ടി

ചെഞ്ചുണ്ടൊട്ടിയൊലിച്ചൊരു കാല-
ത്തിത്തിരി പുഞ്ചിരി തൂകിയ വണ്ടി
പൂഞ്ചിറകേറി നടന്നൊരു തീര-
ത്താടിയുലഞ്ഞതു തുമ്പത്തെത്തി

വീണതു പോവുകയെന്നു നിനച്ചൂ
താങ്ങിയൊരാക്കനമുള്ളൊരു കമ്പില്‍
മാത്രകണക്കെയൊഴുക്കിവിയര്‍പ്പി-
ന്നുപ്പു പുരണ്ടാ തോലതു പൊങ്ങീ

നാളുകള്‍ മൂക്കുമ്പോളത് നീറി-
ക്കീറി മുറിഞ്ഞൂ വീണിഹ ഭൂവില്‍
ഏതൊരു കമ്പിനുമുണ്ടൊരു ജീര്‍ണാ-
വസ്ഥയില്‍ വീഴും ജീവിത വണ്ടി...

No comments: