ഉടന്‍ വരുന്നു......

"അതേയ്......'ന്നെ പോലീസ് പിടിച്ചു....ട്ടോ....."

Wednesday, March 30, 2011

ജീവിത വണ്ടി...

വണ്ടീ ചിന്തിപ്പായണ വണ്ടി
ചെന്തീ തുപ്പി ചീറവണ്ടി
ചോര നിറത്തീ പുകയണ വണ്ടി
ജീവിത നാഡിയിടിപ്പിന്‍ വണ്ടി

ചെഞ്ചുണ്ടൊട്ടിയൊലിച്ചൊരു കാല-
ത്തിത്തിരി പുഞ്ചിരി തൂകിയ വണ്ടി
പൂഞ്ചിറകേറി നടന്നൊരു തീര-
ത്താടിയുലഞ്ഞതു തുമ്പത്തെത്തി

വീണതു പോവുകയെന്നു നിനച്ചൂ
താങ്ങിയൊരാക്കനമുള്ളൊരു കമ്പില്‍
മാത്രകണക്കെയൊഴുക്കിവിയര്‍പ്പി-
ന്നുപ്പു പുരണ്ടാ തോലതു പൊങ്ങീ

നാളുകള്‍ മൂക്കുമ്പോളത് നീറി-
ക്കീറി മുറിഞ്ഞൂ വീണിഹ ഭൂവില്‍
ഏതൊരു കമ്പിനുമുണ്ടൊരു ജീര്‍ണാ-
വസ്ഥയില്‍ വീഴും ജീവിത വണ്ടി...

Tuesday, March 29, 2011

ഒറ്റക്കണ്ണന്‍ reloaded....!!!

ഉണ്ണ്യമ്പൂരിയും ഒറ്റക്കണ്ണനും കുറച്ചു കാലത്തേക്ക് വേറെ ലോകത്തേക്ക് പോയിരിക്കുകയായിരുന്നു...

കുറ്റം ഏറ്റു പറയണമല്ലോ... ഈ ബ്ലൂലോഗത്തെ മനപൂര്‍വം മറന്നു എന്ന് തന്നെ പറയാം...

ഉണ്ണ്യമ്പൂരിക്ക് ഒറ്റക്കണ്ണനേം കൊണ്ട് ബിരുദ പഠനം ആരംഭിക്കേണ്ടതായി വന്നത് കൊണ്ട് ബ്ലൂലോഗത്തിലേക്ക് ഏന്തി വലിഞ്ഞു ഉറ്റു നോക്കാന്‍ കഴിഞ്ഞിരുന്നില്ല....
ഹതാ.... കുറ്റ സമ്മതത്തിനിടയില്‍ വിശേഷങ്ങള്‍ പറയാന്‍ വിട്ടുപോയി'ട്ടോ....

അങ്ങനെ
ഉണ്ണ്യമ്പൂരിയും ഒറ്റക്കണ്ണനും സ്വപ്‌നങ്ങള്‍ വില്‍ക്കുന്ന നാട്ടിലേക്കു തീവണ്ടി കേറി...
വണക്കം ചൊല്ലി വരവേറ്റു കൊണ്ട് മദിരാശിയും...
വര്‍ത്താനം പറഞ്ഞിരുന്നുസമയം കളയുന്നില്ല...


അങ്ങനേ കഥയിലേക്ക്.......

അല്ലല്ല.... കവിതയിലേക്ക്.....
ഓ... അത് പറയാന്‍ വിട്ടു അല്ലെ.... ഇതിനിടെ ചില കവിതാ ശ്രമങ്ങള്‍ തുടങ്ങി'ട്ടോ......

ഈ അടുത്തു ശ്രമിച്ചത് തന്നെയാകാം'ല്ലേ ആദ്യം....